استخاره آنلاین
تاریخ انتشار: ۰۵ مهر ۱۳۹۵ - ۱۰:۱۸
کد خبر: ۶۶۳۵
تعداد نظرات: ۲ نظر
نوحه حضرت عباس ترکی در مدح رشادت های حضرت عباس. نوحه حضرت عباس به زبان ترکی با موضوعات رجزخوانی، تیر خوردن به مشک و استمداد حضرت عباس


نوحه حضرت عباس ترکی ؛ رجزخوانی حضرت عباس


من ابوالفضلم جماعت، شهر‌تیم دوتموش جهانی/قدر‌ت الله اوغلویام من، حیدر کرار ثانی

من ابوالفضلم جماعت، شهر‌تیم دوتموش جهانی/قدر‌ت الله اوغلویام من، حیدر کرار ثانی

یادگار نامدار غازی بدر و حنینم/حیدر کرار آتامدور، مرتضا‌یه نور عینمم

هم سپهسالار لشگر‌، هم علمدارحسینم/ائیلرم ظاهر بو چولده، صولت شیر خدانی

دیلده یوخ بیر ذره باکیم، گر دوتا دنیانی دشمن/اولدی گرچه آل هاشیم، اولمایین اولمکدن‌ ایمن

قویمارام جنبنده سیزدن تیغ قهرآمیزیله من/چرخ اطلس گورسه تیتر‌ر، بو حسام جانسیتانی

مجلس شورای جنگین، صاحب اور‌نگییم من/لشگر شاه حجازین، باهنر سرهنگیم من

بو کومکسیز پادشاهین چون وزیر جنگییم من/وئرسه رخصت ائیلرم بو عالم امکانی فانی

گر ائدم دعوایه اقدام، ای گروه پست فیطرت/قویمارام قالسین بو چولده بیر نفر سیزد‌ن سلامت

گئچمک اما باش جاندان، چون وظیفمدیر جماعت/قانیمیله دینه وئرر‌م، بیر حیات جاویدانی

بیشه‌ هیجاده شیر‌م، قاف رزم عنقاسییم من/هر فنون جنگ جنگی ایشلرین داراسییم من

عتر‌ت شیر خدانین، تشنه لب سقاسیم من/نهر علقمدن خیامه، باغلارام آب روانی


نوحه حضرت عباس ترکی . شعر ترکی ابوالفضل . متن نوحه ترکی ابوالفضل
نوحه حضرت عباس ترکی


خیمه‌ده آغلیر سوسوزدان، عتر‌ت شاه مدینه/العطش فریادی یئردن، اوج ائدیر عرش برینه

چیگنیمه سالدی گلنده، بو قورو مشکی سکینه/ائیله‌دی سو التماسی، بیر منه گلدی گمانی

بو حسینی کی سپاهین، ائیلییب‌سیز قانه غلطان/جان زهرادور جماع‌ت، هم امام کون امکان

حجت‌الله بیلمیسیز گر، فرض ائدین سیز بیر مسلمان/قویمایین یانسین سوسوزدان، عترت بی‌خانیمانی

ائیلدی اتمام حجت، لشگرره هر چند او سرو‌ر/اولمادی اصلا موثر، گلمه‌دی رحمه او لشگر

بیر نفر سسلندی اما، کی هنرو‌ر پور حیدر/ائیلمه سو اوسته بیجا، سن ملام‌ت شامیانی

گر ایکی ایشدن بو چولده، اولمیا بیر امره مجرا/یئر یوزین دولدورسا دریا، وئرمریک بیر قطره اصلا

یا گرک قارداشین اولسون، بئیعته دیلده‌ن مهیا/یا بو تشکیلاتی پوزسون، تیغ قیلسین حکمرانی

جنگ عباسی گوره‌نده، قودسییان گلدی نوایه/سس سسه وئردی ملکلرر، عرض قیلدی مرتضایه

ائیلیری عباس دعوا، یا علی باخ کربلایه/گوستریر اوغلون حسینه، گور نه نوعی جانفشانی

بیر رشادت، بیر شجاعت ، گوستریب اول تشنه سقا/عرصه تنگ اولدو سپاهه، سیندی صفلر قاچدی اعدا

آلدی تا نهر فراتی فارس میدان هیجا/بیرقین نهر اوسته ووردی ، اول وفا و مهر کانی

لشگره سس دوشدی آلدی، نهری بو یالقوز علمدار/خیمه ده ناگه ائشیتدی، بو سسی تشنه اوشاقلار

خیرداجا قیزلار سوویندی، داده گلدی آل اطهار/باشینا ییغدی سکینه، عتر‌ت آل عبانی

اللـ‌رینده بوش سو جامی، گلدیلر داده نوایه/یوز دولاندیردی خانیملار، بارگاه کبرییایه

عرض ائدیبلر بارالاها، حافظ اول صاحب لوایه/حفظ قیل شر عدود‌ن، یادگار مرتضا‌نی

اول قد‌ر گئچمیب، حسینین گول کیمی رنگی سارالدی/سسلنیب وای قارداشیم وای، زینبین آرامین آلدی

یعنی عباسین سو اوسته، قوللارین شام اهلی سالدی/اوخلانیب سو مشگی گئتدی، طاقت و تاب و توانی


نوحه حضرت عباس ترکی . شعر ترکی ابوالفضل . متن نوحه ترکی ابوالفضل
نوحه حضرت عباس ترکی


نوحه حضرت عباس ترکی ؛ زبانحال حضرت عباس هنگام اصابت تیر به مشک


بو مشکه دگن اوخ منی مایوس ایلدی چوخ/ای کاش دگِیدی گوزیمه مشکه دگن اوخ

بو مشکه دگن اوخ منی مایوس ایلدی چوخ/ای کاش دگِیدی گوزیمه مشکه دگن اوخ

بستِیدی حیاتیم بو سویا جاندان اوساندیم/سو مشکیمه اوخ دگدی اوزوم جانه دایاندیم

اصغر عطشه، من شرر خجلته یاندیم/ای کاش دگِیدی گوزیمه مشکه دگن اوخ

من جان به کفم، وقفیدی بو جان شه دینه/یوخ باکیم اُلومدن، ولی ای لشکر کینه

ویرمیشدی منه بو قوروموش مشکی سکینه/ای کاش دگِیدی گوزیمه مشکه دگن اوخ

گوردوم عطشیندن سارالوب صورت اصغر/پوزدی پوزولان حالتیمی حالت اصغر

آز یاره وورون بسدی منه خجلت اصغر/ای کاش دگِیدی گوزیمه مشکه دگن اوخ

چون اهل وفا کوی وفاده منی یوخلار/تصدیق ویروب احسن ایدر عشقیمه چوخلار

بیر گُلشن فردوس ایلیوب سینمی اوخلار/ای کاش دگِیدی گوزیمه مشکه دگن اوخ

اوخ جسمیمه مایلدی منیم، من اونا مایل/بو اوخ نیه بس گیتدی خطا، اولمادی حایل

مشک اوسته دگوب، زحمتیمی ایلدی زایل/ای کاش دگِیدی گوزیمه مشکه دگن اوخ

جان ویرماقا جانانه بو گون تا هوسیم وار/داد ایتسم حسینیم کیمی بیر دادرسیم وار

عجز ایلمرم دشمنیمه تا نفسیم وار/ای کاش دگِیدی گوزیمه مشکه دگن اوخ

لایق دگل هر چند بو جان بو باش حسینه/امّا منی ایتمیشدی آتام یولداش حسینه

من نوکرم، هرگز دگلم قارداش حسینه/ای کاش دگِیدی گوزیمه مشکه دگن اوخ


نوحه حضرت عباس ترکی . شعر ترکی ابوالفضل . متن نوحه ترکی ابوالفضل
نوحه حضرت عباس ترکی


چوخ سعی و تلاش ایلدیم آخِر اوز ایشیمده/قیردیم نه قَدَر دشمنی بو بیر یوریشیمده

قول گیتدی، دیردیم آپاریم مشکی دیشیمده/ای کاش دگِیدی گوزیمه مشکه دگن اوخ

تا سو اَله گَلدی غم و دردیم آزالشدی/مین همّتیمون ضدّینه بیر تیر چالشدی

سو آخدی، گوزوم باخدی، اورک یاندی، آلشدی/ای کاش دگِیدی گوزیمه مشکه دگن اوخ

سو وعده سینه چون که دیمیشدیم گوزوم اوسته/تا سو واریدی من واریدیم اوز سوزوم اوسته

قالسِیدی سو قولسوز سورونَردیم یوزوم اوسته/ای کاش دگِیدی گوزیمه مشکه دگن اوخ

مین جانیم اولا ویرماقا بیر ذرّه یوخ اکراه/قول گیتدی، باشیم قالدی، بودور علّت دلخواه

لازمدی اولا باشدا نثارِ قدمِ شاه/ای کاش دگِیدی گوزیمه مشکه دگن اوخ

بُلّم یِتَرَم آخِرِ عمریمده مرامه/لطفیله گَلور شه اوزی دیدار غلامه

خوشدور بو باشی اوندا قویام پای امامه/ای کاش دگِیدی گوزیمه مشکه دگن اوخ

هر چند چوخالدوقجا یارا خجلت آزالماز/امّا آزالور اوخ چوخی مندن صورا قالماز

دشمنده قالان اوخ مگر آرامیمی آلماز/ای کاش دگِیدی گوزیمه مشکه دگن اوخ

چوخ سعی ایلدیم من بو سویون حفظینه مطلق/شاهد سوزیمه بو کَسیلن اَلدی، بو بیرق

مقصود دله اولمادیم افسوس موفّق/ای کاش دگِیدی گوزیمه مشکه دگن اوخ

شانی اوزیوی صدقیله بو درگهه سالدون/مقصود دلون حضرت عبّاسیدن آلدون

صد حیف بو حسرتده او سرور کیمی قالدون/ای کاش دگِیدی گوزیمه مشکه دگن اوخ


نوحه حضرت عباس ترکی ؛ استمداد حضرت عباس


علمدارون قانه باتدی حسین، کامه چاتدی حسین، هارداسان قارداش

آنان زهرا کربلایه گَلوب، گَل نوایه گَلوب، هارداسان قارداش

علمدارون قانه باتدی حسین، کامه چاتدی حسین، هارداسان قارداش

آنان زهرا کربلایه گَلوب، گَل نوایه گَلوب، هارداسان قارداش

قولوم دوشدی پرچمیم یاتدی، بو حالیم زهرانی آغلاتدی، سیّدی مولا سیّدی مولا

عمود آهن سیندیروب باشیمی، توکدی گوزیاشیمی، ای شه عالم

باشیم تاجی گُل دونوم باشوا، آغلا قارداشوا، دوت منه ماتم

باشیم اوسته آغلیان یوخدی، یارام واردی باغلیان یوخدی، سیّدی مولا سیّدی مولا

او لا سوگند اصغرین جاننا اکبرین قاننا عبد درگاهم

یوزون گورسم مقدمون اُپرم، فخر ایدوب دیرم نوکر شاهم

قرین لطف مدامم من که آلُ اللهه غلامم من سیّدی مولا سیّدی مولا

فرات اوسته گَل قیامته باخ غملی حالته باخ اوز گوزوم قاندی

هرای قارداش شور ولوله دن، ظلم حرمله دن مشکیم اوخلاندی

اورک یاندی اشکبار اولدوم، سوسوزلاردان شرمسار اولدوم سیّدی مولا سیّدی مولا


نوحه حضرت عباس ترکی . شعر ترکی ابوالفضل . متن نوحه ترکی ابوالفضل
نوحه حضرت عباس ترکی


نوحه حضرت عباس ترکی ؛ آمدن امام حسین به بالای سر حضرت عباس


یتیشدی خیمیه ادرک صداسی عبّاسین/خدا بولور نجه قورخوشدی عترت یاسین

یتیشدی خیمیه ادرک صداسی عبّاسین/خدا بولور نجه قورخوشدی عترت یاسین

امام فوراً ایدوب ذوالجناحی استحضار/بولوندی مطلب اولان وقته ذوالجناحه سوار

نه گوردولر که سوار اولماقا دیزی گلمور/اورگی شدّت غمدن دقیقه دینجلمور

شتابی وار، دل خونینی اضطرابیده دور/اوزین یتورماقا عبّاسه چوخ شتابیده دور

تیکوبدی زینبه گوز، اللری بِلینده قالوب/اشاره ایله دیور گل باجی حسین قوجالوب

پوزولدی زینب حسینین گورنده پوزقون حال/دیدی حسین منی ایتمه بو نوعی غرق ملال

بویور بو حالیوه علّت ندور باجون ئولسون/بو اضطراب بو وحشت ندور باجون ئولسون

چاغوردی زینبین اوندا امام دلخسته/بلالی زینبه بیر سوز بویوردی آهسته

دیدی باجی اورگیم غفلتاً سخلدی منیم/یقین یخلدی ابوالفضل، ایویم یخلدی منیم

جواب ویردی حسین آز منی کباب ایله/دایانما ایلمه تاخیر تیز شتاب ایله

بویوردی زینب علیایه سیّد اخیار/سوار اولام باجی جان ذوالجناحه عذریم وار

بو قان اولان اورگیم بیر دقیقه دینجلمور/سوار مرکب اولان نیلیوم بِلیم گَلمور

دیدی حسین باجون ئولسون ملول اولما بیله/باشی بلالی باجون ئولمیوبدی ساغدی هله

شریک محنتیوم ایمدی خدمتونده وارام/غم ایلمه اوزوم ایمدی رکابیوی دوتارام

دوتوب رکابینی القصّه چکدی دلدن آه/جهاندا هیچ کیمی قارداشسیز ایتمسون ا...

غرض اولوبدی او نحویله ذوالجناحه سوار/کمال سرعتیلن خیمه لردن اولدی کنار

وفالی قارداشا بولمم نجه یتوردی اوزین/اونی گورن کیمی جلّادیلر ایتوردی اوزین

داغتدی دشمنی قارداش باشندان اول سرور/پیاده اولدی اورک داغلی گوزده اشک بصر

اَنوبدی شمس هدی ماه باشینون اوسته/وزیرینون اوتوروب شاه باشینون اوسته

دیز اوسته قویدی یارالی باشین ملالیلن/وزیرین اوخشادی شه بو زبانحالیلن

دیدی اویان منی یالقوز قویان ابوالفضلیم/یامان گونومدی گوز آچ بیر اویان ابوالفضلیم

او قانلی گوزلریوی آچموسان نیه قارداش/بلالی قارداشیوا ایتموسن ملالیوی فاش

عیان ایله منه دردون بولوم من خسته/عقابیدن یره دوشدون اگر یوزی اوسته

دله گلوب اوزون آگاه ایله بو سرّی منی/گوروم کیم آرخاوون اوستونده دوندروبدی سنی

بدنون آرخاسی اوسته و یا ترابه دوشوب/او وقته علّتی یوخ توپراقه یوزون بلشوب

یقین اولور منه بیر آندا رم یینده سمند/یره دوشنده ایاقون اولوب رکابیده بند

یقین بو ماه جمالون که توپراقا بورونوب/نچه قدم قوری یرده او گل یوزون سورونوب

عمامه می گوتوروب گوزلرون قانین سیلّم/یامان گونومدی منیله دانشماسان ئولّم

او قانلی گوزلرون آچ ای امید آل ا.../ایاقه دور دوت الیمدن قوجالموشام وا...

اوغول ئولومی تقرّبده چوخ اوجالتدی منی/ولی سنون ئولومون حیف اولا قوجاتدی منی

هامی بولور بونی سن معدن شجاعت سن/گوز آچموسان یوزیمه اولمیا خجالت سن

یقین سوسوزلارین حالین گلنده گورموشدون/منیم رقیّه بالاما سو قولی ویرمیشدون

جنازن اوسته تک گلمیشم قانا بویانام/اوتانما گوزلرون آچ گلمیوب رقیّه بالام

اگرچه گیتماقا اخیامه خجلتون چوخدور/قالورسان ایمدی بو ماواده قال سوزوم یوخدور

ولیک من نه یوزیلن مگر خیامه گیدوم/او خوردا قیزلاری آیا نه نوعی ساکت ایدوم

نَیی بهانه ایدوم، خوردا قیزلارا نه دیوم/سوروشسالار سنی مندن سوسوزلارا نه دیوم

وفالی قارداشیم، آرخام، ایلیم، وزیریم اویان/آدامسیزام منه سس ویر وفالی شیریم اویان

نه قدری سسلدی عبّاس آچ گلن گوزیوی/منه بیان ایله گیزلین اولان اورک سوزیوی

گتوره بولمدی عبّاس باوفالی دله/مصمّم اولدی ابوالفضلینون گوزینی سیله

سیلوب هر ایکی گوزین دیگ محنتی داشدی/ولی آچاندا ابوالفضل بیر گوزین آشدی

نه باعث اوغلون ابوالفضله اولدی یا زهرا/نیه آچانمادی بس ساق گوزین او کان وفا

اشاره بسدی داخی واضح علّتین دیمرم/جسارت ایلیوب آیری مصیبتین دیمرم

حسینین آهی موثّر اولوب علمداره/زبانحالیله گلدی بو نوعی گفتاره

حسین ازل منی معذور دوت بو دعوتدن/گیدنمرم داخی من خیمه گاهه خجلتدن

و بیرده قانه باتان پرچمیمله مشکی گوتور/گیدنده خیمه لره عترت رسوله یتور

منیم یخلماقیمی مشکیم ایلسون اعلان/رقیّه نین گوزی یولّاردا قالماسون نگران

سوسوز بالالارا بیرده منیم دلیمجه بویور/طریق عشق و وفاده یوخومدی ذرّه قصور

سو اوسته قولّاریمی سالدی دویمادی لشکر/گتورماقا سویی اخیامه قویمادی لشکر

بو مشک پارپالانان وقته سینه داغلاموشام/سوسوز بالالارا مشک آغلیوب من آغلاموشام

رضایتون وار اگر سیّدی بو خدمتیمه/توجّه ایله منیم آخِرین وصیّتیمه

بو صون نفسده منی ناامید ایتمیه سن/نه قدری وار نفسیم خیمه گاهه گیتمیه سن

سپاه عشقی قباقونده سان ویرم قارداش/باخا باخا یوزیوه بلکه جان ویرم قارداش

حقیر «منزویم» شان و جاه ایستمورم/خدا گواهدور آیری گواه ایستمورم

اوزومدن عالمه اولسام غلام فخریمدور/گروه جهله اولام پادشاه ایستمورم


گردآوری: مجله اینترنتی ستاره
وبگردی
ارسال نظر
نام:
ایمیل:
* نظر:
کلیه پاسخ هایی که توسط کارشناسان و متخصصان هر رشته به کاربران داده میشود کاملا حالت پیشنهادی دارند و نباید به عنوان تشخیص, تجویز, یا رهنمودهای تخصصی و قانونی تلقی شوند و در صورت لزوم شخصی بایستی حتما از منابع تخصصی تر مانند پزشکان متخصص, وکلا, و ... نیز کمک بگیرد. این مسئولیت کاملا بر عهده مخاطبان است که قبل از هر نوع تصمیم گیری یا اقدامی از صحت و مفید بودن این اطلاعات برای خود اطمینان حاصل کرده و صرفا با مسئولیت خودشان به این پیشنهادات عمل کنند.
کلیه سوالات توسط کارشناسان رشته مربوط به هر مطلب پاسخ داده میشود.
به سوالات تکراری, خارج از موضوع, و غیرقابل انتشار پاسخ داده نمیشود.
نظرات و پرسش ها
انتشار یافته: ۲
در انتظار بررسی: ۰
بدون نام
۱ سال پیش
محمد رحیمی
۱ سال پیش
عالی بود ممنون
چهره‌ها در ستاره
نظرات و پرسش ها
انتشار یافته: ۲
در انتظار بررسی: ۰
بدون نام
۱ سال پیش
محمد رحیمی
۱ سال پیش
عالی بود ممنون