متن نوحه حضرت عباس (ع) به زبان ترکی

متن نوحه حضرت عباس (ع) به زبان ترکی (متن نوحه حضرت ابولفضل ترکی) از برجسته‌ترین شاعران آذری زبان انتخاب شده است. متن این نوحه‌ها به سبک‌های مختلف است و می‌توان در مراسم عزاداری از آن‌ها استفاده کرد.

ستاره | سرویس مذهبی – نوحه حضرت عباس (ع) به زبان ترکی طرفدار‌های خاص خودش را دارد و خصوصا آذری زبان‌ها برای برگزاری مراسم عزاداری از این نوحه‌ها استفاده می‌کنند. به همین منظور مجموعه‌ای از متن نوحه‌های حضرت عباس به زبان ترکی را برای شما گردآوری کرده ایم.

 
متن نوحه حضرت عباس ترکی

متن نوحه حضرت عباس ترکی

 

مجموعه‌ متن نوحه حضرت عباس ترکی

۱.
شاعر: مرحوم هندی
منبع: متن نوحه‌های ترکی و فارسی
موضوع: متن نوحه حضرت عباس ترکی

آخرین دیداری چوخ گوزلر بو قولسوز باش حسین
گل جمالون گورمسم جان ویرمرم قارداش حسین
رشده یتدیم آستانونده چوخ اولدی زحمتیم
سایه‌ی لطفونده مشهور اولدی نام و شهرتیم
قابل بذل توجّه اولسا بو گون خدمتیم
تاج عزّت قویدوقون بیر باشه گل چک باش حسین
پرورش ویردون منه تعلیم اخلاق ایلدون
نقص خدمت گوردون، امّا عفو و ارفاق ایلدون
کربلا حقّینده مندن اخذ میثاق ایلدون
شکر للَّه باشیم اولدی باشیوه شاباش حسین
حقّ تعلیمون بیوکدور من ثنادن عاجزم
شاکرم دلدن، ولی ذکر ادادن عاجزم
باش سینوب قولّار دوشوبدور دست و پادن عاجزم
سن اوزون لطفیله گل بالینیمه قارداش حسین
مدّت عمرونده بی مهر اولمادون بیر آن منه
هر نفسده ایلدون مین نوعیله احسان منه‌ای کلام الله ناطق گل اوخی قرآن منه
خجلت دیرینیمه نطقون اولا پاداش حسین
حسن طالعدن قازاندیم، چون شهادت قرعه سین
شوقیله جنگ ایلدیم آلدیم فراتین شرعه سین
لبلرون یادیله، امّا ایچمدیم بیر جرعه سین
سیریده همرنگ اولور، چون یاریله یولداش حسین
وارد اولجاق نهره طرد ایتدیم گروه ناکسی
دولماسون مشکه کنار ایتدیم سودان خار و خسی
بیر اوزون طومار غم آچدی سویون دلکش سسی
وای اگر بیر گون او احساساتیم اولسا فاش حسین
مشکی حفظ ایتماق امیدی ویردی قوّت هوشیمه
دولدوروب محکم ایدوب آهسته سالدیم دوشیمه
گه اُپردیم گه چکردیم جان کیمی آغوشیمه
قهر اولا اوخ نقشینی ترسیم ایدن نقّاش حسین
هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدیم صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن‌ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم، چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه بی قدرم، امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من شباهنگم اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
 
متن نوحه حضرت عباس ترکی

متن نوحه حضرت عباس ترکی

 


۲.
شاعر: مختار وطن پرست (نگین)
منبع: اشعار نگین
موضوع: متن نوحه حضرت عباس ترکی
ریتم شعر: ایران… فدای اشک و خنده تو

اگرچه تنده اللریم یوخ
بدنده یاره لردی چوخ چوخ
سپهره نالمی اوجالدان
منیم سو مشگیمه دگن اوخ
خجالتم بو چولده قارداش
گرک توکم عذاره قانیاش
آتوبدی اهل کینه بیر اوخ
سو مشگیمه دگوبدی بیر باش
دگوبدی یاره یاره اوستن
اولوبدی پاره پاره بو تن
دورانمورام ایاقه قارداش
گذشت ایله بو حالیمی سن
گوزتلوری منی گل یاس
سکینه دن خجلدی عباس
سزادی دیده دن توکم من
بو محنتینده اشک الماس
جهانیانه نور عینم
فدای قاف و شین و عینم
بو فخردور که عالم ایچره
غلام درگه حسینم
الیم اگر قالیدی تنده
علم یخلمازیدی منده
قوی آغلیوم بو حاله قارداش
یانوم بیله آغور محنده
بو گون کسیلدی چاره نیلوم
توانی آلدی یاره نیلوم
سنون، ولی غمون برادر
گلن دگور شماره نیلوم
نولوردی گویلوی آلیدیم
غمونده باشیمه چالیدیم
اولیدی کاش الیم بدنده
قولومی بوینوا سالیدیم
گرک بو قلبی داغلیم من
چکوب سس ایمدی آغلیم من
باخا باخا که تک قالوبسان
نجه گوزومی باغلیم من
نگینه قیل اوزون عنایت
عنایتونله ایت کفایت
و بیرده دعوت ایت برادر
گله بیزی ایده زیارت
 

عکس مناسبتی حضرت عباس (ع)

 

۳.
شاعر: مختار وطن پرست (نگین)
منبع: اشعار نگین
ریتم شعر: ایران… فدای اشک و خنده تو…
موضوع: متن نوحه حضرت عباس ترکی

وزیر شاه کربلا سن
غلام درگه ولاسن.
ولی هامی جهانیانه
شها امیر مقتداسن
حسینه سر سپاه اعظم
بلالی کربلاده همدم
چکن علی کیمین قلنجین
ووران صفوف کینه هر دم
جهاندا سرسپاه و سردار
حسیننه قالان وفادار
حرملرین امیدگاهی
بلالی چولده شیر پیکار
سلیل شیرِ شیر داور
هژبرِ حیدرِ دلاور
وراندا کربلاده شمشیر
دیوردی آفرین ملک لر
سنی خدا ایدوب که ساقی
مِیونده واردی لطف باقی
جهانیانی مست ایدوبسن
نه بیرجه ساکن عراقی
رقیه، زینب و سکینه
گلنده سرزمین کینه
دیردی حافظ اول خدایا
بو عباسه اوزون همیشه
اورکلرین صفاسی سنسن
صفاسی سن، ضیاسی سنسن
عنایت ایت بو گون نگینه
امیدیله رجاسی سنسن
 

عکس مناسبتی حضرت عباس (ع)

 

۴.
منبع: متن نوحه‌های ترکی و فارسی
موضوع: متن نوحه حضرت عباس ترکی

من عباسم منه دریالر آغلار
سوسوز احوالیمه سقالر آغلار
چاره‌سیز قالانلار
دردیلن یانانلار
سسلسون اورکدن ایوای ابوالفضل
منم ام‌البنینون دلرباسی
علاجی اولمیان دردین دواسی
غصه‌لی گرفتار
هر نه مبتلاوار
سسلسون اورکدن ایوای ابوالفضل
من عباسم هامی درده معالج
منه سویلر هامی باب الحوائج
جمله بینوالر
درده مبتلالر
سسلسون اورکدن ایوای ابوالفضل
منی کیم سسلسه فریاده گلم
اونی تک قویمارام امداده گم
اولسا هر مکاندا
جان ویرن زماندا
سسلسون اورکدن ایوای ابوالفضل
من عباسم سلیل مرتضایم
علمدار شه کرب و بلایم
تنگیده قالانلار-حاجتین آلانلار
سسلسون اورکدن ایوای ابوالفضل
منه کیم آغلاسا روز قیامت
اونا من ایلرم کُلاً شفاعت
اولماسون پریشان
اولسا غرق عصیان
سسلسون اورکدن ایوای ابوالفضل
 

عکس مناسبتی حضرت عباس (ع)

 

۵.
شاعر: محمود پدیده تبریزی
منبع: مجمع شعرا و مادحین
موضوع: متن نوحه حضرت عباس ترکی

قانمی توکماخلقا بیر عده اوباش حسین
بیر بیره سبقت ایدوللر دورما گل قارداش حسین‌
ای وجودی جمله تکوینات عالمده دخیل
وی لب جان بخشی، آب خضر و نهر سلسبیل
شاه سنسن، درگهونده خادمندور جبرئیل
بو غریق لجه خون، محضرونده تاش حسین
ابروانون طاق محرابیمدی، رویوندور بهشت
روضه رضوان منه سنسیز جحیم و نار زشت
مرشد و پیر طریقم سن، نه مسجد نه کنشت
هاردا سن اولسان او یردور خانقه قارداش حسین
تا فراته وارد اولدوم،‌ای شه والا جناب
نکهت جانبخش آب، ائتدی اورکدن سلب تاب
تا هوس ایتدوم جمالون جلوه سین، گوستردی آب
اولدی دیدارون بو عطشان اولماقا پاداش حسین
آبروییم آبدیدی‌ای هامی بیکس کسی
تار و پود مشگه بستیدی حیاتیم رشته سی
گر چه جان آلدی قدر ترسیم ایدن پیکان سسی
اوخ آتان دست قضادور، نیله سین نقاش حسین
گر چه آب و تاب ایدور آخدوقجا بو آب فرات
آز قالور عمروم قوتارسون، درک ایدم فیض ممات
سو ایچم هیهات، قالسون تشنه لب عین حیات
قویمارام باخسون فراته دیده خونپاش حسین
من نه خضرم، سبر آفاق ایلیوب آب آختارام
آبده یوخ آبرو تا آب نایاب آختارام
تشنه لب گلدیم بو یرده لعل سیراب آختارام
اود دوتوب گوردوم یانور باشدان باشا داغ داش حسین
لوح خاطرده خیال ایتمه که نقش سو چکم
یا نسیم سو، دم صبحیله گلسه بو چکم
ذکر و اورادیم آدوندور ایسته سم یاهو چکم
قطب سن، من مرید رندم و قلاش حسین
هر یارا دگدوقجا یول آچدی حضور یاریمه
روزن امید آچلدی خلوت دلداریمه
پیک پیکان رونق آرتوردی عجب بازاریمه
جسممه دگسون یارا ایکاش باشدان باش حسین
بوی صهبای ازل ایتموش منی مخمور و مست
جلوه گر اولموش گوزومده عهد و پیمان الست
اولمادیم پیمان شکن، پیمانه گر تاپدی شکست
اگلنیدی دیده مه مشگه دگن اوخ کاش حسین
دورما تز گل، بو مریدین اوز مرادین آختارور
عبد صالح آدلی بنده میر رادین آختارور
مکتبون شاگردی گورسون اوستادین آختارور
خاکسار کویووه لطف ایله گل چک باش حسین
طاقتین از بسکه طاق ایتموشدی روی زردلر
رشته یاراسین الدن آلدی سانسیز دردلر
چوخ جسارتله تاپوب ال، مردیوه نامردلر
نقد جانین باشوا تز گل ایده شاباش حسین
اولدی هم فکرون (پدیده) فکری نیکو سیر
توکدی موج بحر طبعون ساحله در و گهر
وار نه تاثیری اولا دنیا بوئی پرخاشگر
گر سنه اطلاق ایده عباس و زهرا تاش حسین
 

عکس مناسبتی حضرت عباس (ع)

 

۶.
شاعر: رحیم شایان
منبع: مجمع شعرا و مادحین
ریتم شعر: قدم قدم… با یه علم
موضوع: متن نوحه حضرت عباس ترکی

ییتیش هرایه قارداشیم دوشوبدی اللره باشیم
ساغیم دوشوب سولوم دوشوب آخور عذاره قان یاشیم
گوزومدن اوخ دگوب اخا گل‌ای کرملی قارداشیم
حالیم چوخ یاماندی قارداشیم گل
باشیم پارچالاندی قارداشیم گل
هر غمدن بو غم منه باش گلدی
مشگیمده جالاندی قارداشیم گل
داغیلدی یوز گوزوم اخا اولوبدی قوللاریم قلم
گوزوم دولوبدی قانیله یاتیبدی سیودوگوم علم
آنان گلوب هرایمه یوبانما‌ای شاه کرم
سقانی سالوب عدو یارادن
باشیمدن دگوب عمود آهن
اولدوم من رقیه دن شرمنده
قارداش اول رضا بوگون سقادن
منی آپارما خیمیه که شرمگینم آبیدن
حرملرون سو ایسته سه من عاجزم جوابیدن
یانور او سود امر بالان خجالتم ربابیدن
اوچ پر اوخ اثر لیدی خنجردن
انشاالله دگمز او گول حنجردن
دنیامی عوض ایدیب او بیر اوخ
چوخ گوزله اءوزوندن هم اصغر دن
 

عکس مناسبتی حضرت عباس (ع)

 

۷.
شاعر: مرحوم عافی تبریزی
منبع: مجمع شعرا و مادحین
ریتم شعر: یاران چه غریبانه…
موضوع: متن نوحه حضرت عباس ترکی

لایلای گوزمون نوری
عباسیم علمداریم
آچ گوزلریوی قارداش
گوزلور سنی قیزلاریم
آچ گوزلریوی قارداش
هجرون دله بیر اوخدی
دشمن بولوسن چوخدی
سنسیز کومگیم یوخدی
آچ گوزلریوی قارداش‌ای اسوه شخصیت
وی شیر خدا خصلت
بیر لحظه ائله همت
آچ گوزلریوی قارداش‌ای بیشه حق شیری
چوخ ائتمه سو تدبیری
یاندیرما بو دلگیری
آچ گوزلریوی قارداش
گل رخت وفا سویما
مندن بئله تز دویما
قارداشیوی تک قویما
آچ گوزلریوی قارداش
دریای کرم یاتما
سقای حرم یاتما
دور یاتدی علم یاتما
آچ گوزلریوی قارداش
بو چول دولی عدواندی
وحشتلی بیاباندی
یاندی اورگیم یاندی
آچ گوزلریوی قارداش
دلده عطشون چوخدی
صد حیف قولون یوخدی
جسمون باشاباش اوخدی
آچ گوزلریوی قارداش
غیرتلی علمداریم‌ای محرم اسراریم
هر لحظه فداکاریم
آچ گوزلریوی قارداش
ائتدون منی افسرده
گلدی اورگیم درده
قالدی علمون یرده
آچ گوزلریوی قارداش
آرامیمی آلمیش غم
دور اول منیله همدم
اخیامه گئداخ باهم
آچ گوزلریوی قارداش
مشگلدی غم هجران
بیر دردیدی یوخ درمان
سس وئر سسیمه بیر آن
آچ گوزلریوی قارداش
بو غم نئجه تاب آلماز
یا درده دلی سالماز
گئتدون قوشونوم قالماز
آچ گوزلریوی قارداش
وار قلبیده چوخ سوزلر
اشگیله دولوب گوزلر
زینب یولوی گوزلر
آچ گوزلریوی قارداش
وار هاردا عزاخانه
گئت «عافی» صمیمانه
ورد ایله یانا یانه
آچ گوزلریوی قارداش
 

عکس مناسبتی حرم عباس (ع)

 

۸.
شاعر: مرحوم هندی
منبع: مجمع شعرا و مادحین
موضوع: متن نوحه حضرت عباس ترکی

هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدیم صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن‌ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم، چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه‌ی بی قدرم، امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من (شباهنگم) اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
 

عکس مناسبتی حضرت عباس (ع)

 

۹.
منبع: مجمع شعرا و مادحین
ریتم شعر: قدم قدم… با یه علم
موضوع: متن نوحه حضرت عباس ترکی

یواش یواش، گوزومده یاش
مصیبتین دوشوریادا، شاه کرم
ایله نظر صاحب علم
واردی اورکده بیزلرین شوق حرم
احسان ایت‌ای کرم دریاسی‌ای عطشان شیعنون مولاسی
تربتین ددلرین شفاسی
حیدردی کربلا عباسی
یواش، یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
گول آدین بیزلره عزتدی
غمخوارین غمزده زینبدی
عباسین صاحب غیرتدی
آدینان دین آلان زینتدی
یواش، یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
کربلا غملره غم چاتدی
زینبی غملری قوجاتدی
حرمله اصغره اوخ آتدی
اصغری قانینه بویاتدی
یواش یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
اورگیم علمین تک اسر
آدین دیللریمیزده گزر
عشاقین سنه قربان کسر
آدیوی خردا بویوک سسلر
یواش یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
 

نوحه ترکی حضرت عباس

 
۱۰.
شاعر: استاد سعدی زمان
موضوع: متن نوحه حضرت عباس ترکی

من ابوالفضلم جماعت، شهر‌تیم دوتموش جهانی
قدر‌ت الله اوغلویام من، حیدر کرار ثانی

من ابوالفضلم جماعت، شهر‌تیم دوتموش جهانی
قدر‌ت الله اوغلویام من، حیدر کرار ثانی

یادگار نامدار غازی بدر و حنینم
حیدر کرار آتامدور، مرتضا‌یه نور عینمم

هم سپهسالار لشگر‌، هم علمدارحسینم
ائیلرم ظاهر بو چولده، صولت شیر خدانی

دیلده یوخ بیر ذره باکیم، گر دوتا دنیانی دشمن
اولدی گرچه آل هاشیم، اولمایین اولمکدن‌ ایمن

قویمارام جنبنده سیزدن تیغ قهرآمیزیله من
چرخ اطلس گورسه تیتر‌ر، بو حسام جانسیتانی

مجلس شورای جنگین، صاحب اور‌نگییم من
لشگر شاه حجازین، باهنر سرهنگیم من

بو کومکسیز پادشاهین چون وزیر جنگییم من
وئرسه رخصت ائیلرم بو عالم امکانی فانی

گر ائدم دعوایه اقدام، ای گروه پست فیطرت
قویمارام قالسین بو چولده بیر نفر سیزد‌ن سلامت

گئچمک اما باش جاندان، چون وظیفمدیر جماعت
قانیمیله دینه وئرر‌م، بیر حیات جاویدانی

بیشه‌ هیجاده شیر‌م، قاف رزم عنقاسییم من
هر فنون جنگ جنگی ایشلرین داراسییم من

عتر‌ت شیر خدانین، تشنه لب سقاسیم من
نهر علقمدن خیامه، باغلارام آب روانی

خیمه‌ده آغلیر سوسوزدان، عتر‌ت شاه مدینه
العطش فریادی یئردن، اوج ائدیر عرش برینه

چیگنیمه سالدی گلنده، بو قورو مشکی سکینه
ائیله‌دی سو التماسی، بیر منه گلدی گمانی

بو حسینی کی سپاهین، ائیلییب‌سیز قانه غلطان
جان زهرادور جماع‌ت، هم امام کون امکان

حجت‌الله بیلمیسیز گر، فرض ائدین سیز بیر مسلمان
قویمایین یانسین سوسوزدان، عترت بی‌خانیمانی

ائیلدی اتمام حجت، لشگرره هر چند او سرو‌ر
اولمادی اصلا موثر، گلمه‌دی رحمه او لشگر

بیر نفر سسلندی اما، کی هنرو‌ر پور حیدر
ائیلمه سو اوسته بیجا، سن ملام‌ت شامیانی

گر ایکی ایشدن بو چولده، اولمیا بیر امره مجرا
یئر یوزین دولدورسا دریا، وئرمریک بیر قطره اصلا

یا گرک قارداشین اولسون، بئیعته دیلده‌ن مهیا
یا بو تشکیلاتی پوزسون، تیغ قیلسین حکمرانی

جنگ عباسی گوره‌نده، قودسییان گلدی نوایه
سس سسه وئردی ملکلرر، عرض قیلدی مرتضایه

تبلیغات در ستاره


ائیلیری عباس دعوا، یا علی باخ کربلایه
گوستریر اوغلون حسینه، گور نه نوعی جانفشانی

بیر رشادت، بیر شجاعت ، گوستریب اول تشنه سقا
عرصه تنگ اولدو سپاهه، سیندی صفلر قاچدی اعدا

آلدی تا نهر فراتی فارس میدان هیجا
بیرقین نهر اوسته ووردی ، اول وفا و مهر کانی

لشگره سس دوشدی آلدی، نهری بو یالقوز علمدار
خیمه ده ناگه ائشیتدی، بو سسی تشنه اوشاقلار

خیرداجا قیزلار سوویندی، داده گلدی آل اطهار
باشینا ییغدی سکینه، عتر‌ت آل عبانی

اللـ‌رینده بوش سو جامی، گلدیلر داده نوایه
یوز دولاندیردی خانیملار، بارگاه کبرییایه

عرض ائدیبلر بارالاها، حافظ اول صاحب لوایه
حفظ قیل شر عدود‌ن، یادگار مرتضا‌نی

اول قد‌ر گئچمیب، حسینین گول کیمی رنگی سارالدی
سسلنیب وای قارداشیم وای، زینبین آرامین آلدی

یعنی عباسین سو اوسته، قوللارین شام اهلی سالدی
اوخلانیب سو مشگی گئتدی، طاقت و تاب و توانی

از اینکه با مجموعه متن نوحه حضرت عباس ترکی همراه ما بودید بسیار سپاسگزاریم. لطفا نظرات و پیشنهادات خود را در انتهای همین مطلب با ما به اشتراک گذارید.



2 نظر
  1. با عرض سلام و ادب

    ممنونم که از مطالب وبلاگ این بنده حقیر در سایت زیبا و پر محتوایتان استفاده کردید با آرزوی موفقیت برای شما بزرگوار . التماس دعا یا علی

نظر شما چیست؟

ستاره
Logo
ثبت نام رایگان در سایت
عضویت در سایت
تعییر رمز عبور